Xəbərlər / Abituriyent
17 may 2019
7 300
Fərqlənən ən yaxşı Bakı məktəbləri
2017-ci ildə Bakı məzunlarının 2203 nəfəri 500-dən, 757 nəfəri 600-dən yuxarı bal toplayıb. Abituriyentlərin ən çoxu Bakı Dövlət Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universitetinə qəbul olunub.
Bu göstəricilər Dövlət İmtahan Mərkəzinin 2017-2018-ci il üzrə tələbə qəbulu və buraxılış imtahanlarının elmi-statistik təhlilinin yer aldığı "Abituriyent” jurnalının 12-ci nömrəsində qeyd olunub.
Abituriyentlərin göstəriciləri bal intervalları üzrə bu cür paylanıb:
0-99 intervalında 19.61% (3183 nəfər);
100-199 intervalında 20.64% (3351 nəfər);
200-299 intervalında 18.03% (2927 nəfər);
300-499 intervalında 28.15% (4570 nəfər);
500-dən yuxarı 13.57% (2203 nəfər).
Beləliklə, şəhər abituriyentlərinin yalnız 41.72%-i 300-dən yuxarı bal toplayıb. Şəhərin attestat qiymətləri əla olan abituriyentlərindən 1.81%-i 200 baldan aşağı nəticə göstərib.
500 baldan yuxarı nəticə göstərərək məktəb nailiyyətlərini təsdiq edənlər isə cəmi 60.91%-dir.
Binə qəsəbə 136 saylı tam orta məktəbin nəzdində qiyabi qrupların abituriyentlərinin I-IV qruplar üzrə topladığı orta bal 100-dən aşağıdır.
Respublika üzrə yaxşı məktəblərin sırasına 2017-ci ildə şəhərin 62, 72, 220 və 261 saylı məktəb-liseyləri, 291 saylı "Ekologiya” liseyi, 287 saylı "Zəkalar” liseyi, 160 saylı klassik gimnaziya,Texniki humanitar lisey, 54, 129, 145 və 283 saylı tam orta məktəbləri daxil olub.(Azedu.az)
