Xəbərlər / Müəllim
11 oktyabr 2018
2 171
Yaxşılara yaxşı deməyi bacarmalıyıq…
5 oktyabr Beynəlxalq Müəllimlər günündə müəlimlərimizi xatırlayır, onların əməyini dəyərləndirir, barələrində xoş sözlər yazırıq.
Etiraf edək ki, bayram günü yada düşən fənn müəllimləri, xüsusən də ibtidai sinif müəllimləri olur.Unuduruq ki, təhsil prosesinin ağırlığını təkcə müəllim çəkmir, bu yük həm də orta ümumtəhsil məktəblərində direktorların, ali təhsil müəssisələrində isə rektorların çiynindədir. Amma onlar haqqında yazmağa həmişə çəkinirik-qorxuruq ki, bizi yaltaqlıqda, rəhbərə yarınmaqda və s.suçlasınlar, damğalansınlar.Və beləliklə də təhsil ordusunun rəhbər hissəsinin əməyi həmişə kənarda qalır, ya da ancaq neqativ hallar baş verəndə yada düşür.Bu, çox pis tendensiyadır.Uzun illərin təcrübəsi göstərir ki, təhsil müəəssisələrinin düzgün idarə olunması, işə yaradıcı münasibət, təşəbbüskarlıq , kollektivin düzgün yönləndirilməsi qazanılan uğurların təminatına çevrilir.
Müəssisə rəhbəri yerində deyilsə, idarəetmə düzgün aparılmırsa, hansı uğurlardan söz açmaq olar?Yaxşı ilə pisi ayıran,işçini maddi və mənəvi cəhətdən stimullaşdıran, kollektivi uğurlu fəaliyyətə istiqamətləndirən, bir araya gətirən onlardır-məktəb direktorları, ali məktəb rektorları. Pedaqoji cəhbənin flaqmanlarını 5 oktyabr Beynəlxalq Müəllimlər günündə ürəkdən təbrik edir, çətin və məsuliyyətli işlərində uğurlar arzulayıram.
Bayram günündə çalışdığım ali təhsil müəssisəsinin-Lənkəran Dövlət Universitetinin rektoru vəzifəsini icra edən riyaziyyat üzrə elmlər doktoru, professor Natiq İbrahimovdan söz açmaq istəyirəm.Uzun illərin pedaqoji işçisi olan Natiq müəllimin müəllimlik, eləcə də Respublika Təhsil Nazirliyindəki fəaliyyətindən , elmi uğurlarından yox- məhz idarəetmə bacarığından danışmağım isə təsadüfi deyil.Yaxşılara yaxşı deməyi bacarmalıyıq-vaxtında, məqamında!
Qeyd edim ki, Natiq müəllim cənub bölgəsində ən xətirli adamlarından biri sayılır. Niyə? LDU-da iki illk fəaliyyəti dövründə rüşvətin kökünü tam kəsdiyinə, saf, obyektiv təhsil mühiti yaratdığına görə.Elə bir mühit ki, çox ali məktəblərdə çox tələbələr-müəllimlər arzusundadır.Digər amilsə , tələbələrin biliyinin, təşəbüskarlığının düzgün dəyərləndirilməsi, istedad və bacarıqlarının vaxtında
aşkara çıxarılıb onlardan səmərəli istifadədir. Sözsüz ki, Natiq müəllim bu işləri tək görmür, düzgün seçib yerləşdirdiyi, önəm dəyər verdiyi müəllimlərlə, kollektivlə birgə görür, hamını bir məqsədə kökləyir-biz LDU-nu ölkənin ən nüfuzlu ali təhsil müəssisəsi etməliyik və bunu bacaracağıq.Düzgün idarəetmə isə uğurun yarısıdır.
Qeyd edim ki, son iki ildə LDU-ya tələbə qəbulu təqribən ikiqat artıb.Bu ilki 2018-2019-cu tədris ilində universitetə min nəfərə yaxın tələbə qəbul olunub, hazırda burada 3min 500-ə yaxın tələbə və magistr təhsil alır.Cəmi iki il bundan əvvəl isə bu rəqəm 500 nəfərə yaxın idi.Bəli , inkişaf var və bu inkişaf yüksələn xətlə gedir.
Bilmirəm , bu yerdə qədim el məsəlimiz- " Çörəyi ver çörəkçiyə, birini də üstəlik”- nə dərəcədə yerinə düşür, amma Natiq müəllimin timsalında bütün kollektiv aydın görür ki, düzgün seçilmiş rəhbər gələcək uğurların təminatçılarından biridir.
Bu gün LDU məhz onun rəhbərliyi altında dünyanın ən nüfuzlu ali təhsil ocaqları ilə əməkdaşlıq edir, ən mötəbər beynəlxalq elmi konfranslara ev sahibliyi edir.Ölkə ali təhsil müəssisələri arasında mənz bizim LDU-da ilk turizm tədris bazası yaradılıb, kənar yerdən dəvət olunan professor-müəllium heyəti üçün xidməti mənzillər inşa olunaraq ötən ildən onların istifadəsinə verilib.Xaricdən 4 ən müasir tədris labaratoriyaları alınıb, əcnəbi mütəxəssislərin köməyi ilə quraşdırılıb.Yeni inşa olunmuş bir tədris korpusu tələbələrin istifadəsindədir, daha birinin və tələbə yataqxanasının inşası gedir.Yeri gəlmişkən, universitetin hər iki korpusunda tam müasir yeməkxana fəaliyyət göstərir.Aqrar ixtisaslarda təhsil alan tələbələr universitetin ötən il saldığı çay, sitrus plantasiyasında təcrübə dərslərini keçir.5 hektar sahədə bostan və tərəvəz əkinlərinin keçirilməsi planlaşdırılıb.Bu siyahını uzada da bilərik.Amma məqsədimiz görülənlərlə fəxr etmək deyil, bu işin təşkilatçılarına dəyər verməkdir.Bütün bu işlər cəmi iki ilin ərzində yorulmaz fəaliyyətiniz,təşəbbüskarlığınız, əzmkarlığınız sayəsində mümkün olub, hörmətli Natiq müəllim!Yaxşılara yaxşı demək yarınmaq yox, yaxşı təcrübədən digərlərini barındırmaqdır.
5 oktyabr –Beynəlxalq Müəllimlər günü münasibəti ilə sizi , təhsil nazirliyinin rəsmisindən tutmuş sıravi işçisinə kimi hamını-bu sektorun bütün əməkdaşlarını təbrik edirik! Bayramınız mübarək!
