Xəbərlər
15 may 2018
6 502
Məktəbdə dava- Müəllim direktorun çənəsini qırdı
Ağsu rayonunda müəllim işlədiyi məktəbin direktorunu döyüb.
Aztehsil.com Report-a istinadən xəbər verir ki, hadisə rayonun Ləngəbiz kəndində baş verib.
Belə ki, Ağsu rayon Ləngəbiz kənd orta məktəbinin direktoru, Şamaxı rayonunun Çöl Bağırlı kənd sakini, 1985-ci il təvəllüdlü Müşfiq Əlseyran oğlu Mirzəyevlə məktəbin müəllimi arasında mübahisə yaranıb. Mübahisə zəminində müəllim məktəbin direktorunu döyüb.
O, müxtəlif bədən xəsarətləri ilə ağır vəziyyətdə Şamaxı Rayon Mərkəzi Xəstəxanasına gətirilib. Cərrahiyyə şöbəsinə yerləşdirilən direktorun vəziyyətinin ağır olduğu bildirilir.
Faktla bağlı araşdırma aparılır.
