Elektron təhsil mühitinin idarə edilməsi məsələsi araşdırılır
Azərbaycan Milli Elmlər Akademiyasının (AMEA) İnformasiya Texnologiyaları İnstitutunda elektron təhsil mühitinin idarə edilməsi məsələsi öyrənilir.
Aztəhsil.com azərtac.az-a istinadn xəbər verir ki, cari ildə informasiya texnologiyaları və informasiya cəmiyyətinin formalaşmasının elmi-nəzəri problemləri araşdırılıb və "Elektron təhsil mühitinin idarə edilməsi və onun metodoloji əsaslarının işlənməsi” mövzusu üzrə tədqiqatlar aparılıb.
Xarici ölkələrin aparıcı universitetlərində elektron tədris texnologiyalarının mövcud vəziyyəti müqayisəli analiz edilib, "bulud” texnologiyasının tətbiqi vasitəsilə təhsil kontentlərinin formalaşması məsələləri araşdırılıb.
Həmçinin təhsil sistemində informasiya-kommunikasiya texnologiyaları (İKT) ixtisasları üzrə standartların beynəlxalq standartlara uyğunlaşdırılması modeli işlənib. Bu istiqamətdə İKT ixtisasları üzrə tədris proqramlarının optimal seçilməsində "data mining” metodları tətbiq olunub və informatika kursu üzrə distant tədris həyata keçirilib.
