Xəbərlər
04 oktyabr 2017
2 860
Azərbaycanda Müəllim günü ilə bağlı qalmaqallı reklam
"Əli və Nino” kitab şəbəkəsinin Müəllimlər günü ilə əlaqədar paylaşdığı reklam posteri sosial şəbəkədə tənqid olunub. Kulis.azın məlumatına görə buna səbəb posterdə təsvir olunan müəllim obrazının açıq-saçıq görkəmdə olmasıdır.
Belə ki, posterdə təsvir olunan müəllim, geyimi və davranışı ilə müəllimdən çox pornoaktrisaya bənzəyir. İstifadəçilər bu reklamın elmə, biliyə çağırışdan çox əxlaqsızlığa səsləməsi fikrini irəli sürüblər.
Sözügedən tənqidlərdən nəticə çıxaran kitab şəbəkəsi sosial şəbəkə vasitəsilə posterdəki müəllim obrazına görə üzr istəyib:
"Əziz dostlar, aksiya haqqında qoyulan poster dizaynerin "zarafatı" idi. Buna görə hamıdan üzr istəyirik!”
Həmin posteri təqdim edirik.
