Müəllimlər vahid geyim formasına keçdilər - FOTOLAR
Neftçalanın Yeniqışlaq kənd ümumi orta məktəbinin müəllimləri yeni dərs ilində şagirdlərin qarşısına vahid geyim formasında çıxıblar.
Müəllimlərlə yanaşı, məktəbdə çalışan texniki işçilər də vahid formaya keçiblər.
Məktəbin direktoru Ülvi Fərzəliyev AZƏRTAC-a bildirib ki, yeni dərs ilinin ilk günündən müəllimlər siniflərə bəzəkli, parıltılı geyimdə deyil, mavi qalstuk, ağ köynək və boz kostyumda daxil olurlar.
Vahid formaya keçilməsi təşəbbüsü məktəbin pedaqoji şurasında müzakirə olunduqdan sonra həyata keçirilib.
Müəllimlərin bu təşəbbüsünü şagird və valideynlərlə yanaşı, rayon təhsil şöbəsinin rəhbərliyi də müsbət qarşılayıb.
Rayon mərkəzindən 20 kilometr aralıda yerləşən və bir əsrdən çox yaşı olan Yeniqışlaq ümumi orta məktəbində 58 şagirdin təlim-tərbiyəsi ilə 15 müəllim məşğuldur.
