Xəbərlər / Cəmiyyət
27 sentyabr 2017
2 498
Deputat məktəblərdə idman dərslərinin problemlərindən danışdı
Orta məktəb şagirdləri idman dərslərinə laqeyd yanaşırlar, əksər hallarda isə bu dərslərə getmirlər.
Bunu Milli Məclisin Gəncədən olan deputatı Naqif Həmzəyev deyib.
N.Həmzəyev bildirib ki, bu məsələ ilə bağlı Gəncədə böyük irəliləyiş var: "Ancaq digər rayonlarda bu, ciddi problemdir, gənclərimiz oturaq həyat tərzi keçirirlər. Nəticədə, bizdə potensial xəstələr yetişir. Bunlar idman dərslərinə gəlmirlər və yaxud hər hansı bir idman dərnəklərində fəaliyyət göstərmirlər”.
N.Həmzəyev Təhsil Nazirliyi və aidiyyəti qurumlarla məsələnin müzakirə edilməsinin vacibliyini qeyd edib: "Bu məsələni müzakirə edib, monitorinqlər həyata keçirmək lazımdır”.
