Xəbərlər / Cəmiyyət
27 avqust 2017
3 146
Ən çox milyarder məzunu olan dünya universitetləri- İlk üçlük
Məşhur "Forbes” jurnalı ən çox milyarderin oxuduğu universitetlərin siyahısını hazırlayıb. Qeyd edək ki, hazırda dünyada 2043 milyarder var. Onların ümumi sərvəti 8 trilyon dollardan çoxdur.
Daha çox milyarderin gəncliyini, tələbəlik illərini keçirdiyi universitetləri təqdim edirik:
Ən çox milyarder məzunu olan universitet Harvarddır. Dünya milyarderlərinin 17-i bu mükəmməl universiteti bitirib. Əsası 1636-cı ildə qurulan universitetin nəzdində 1908-ci ildə Harvard Business Scholl adlı iqtisadi təhsil verən bölmə açıldı. Biznes və iqtisadiyyat sahələrindəki ən önəmli kadrlar məhz bu məktəbin yetirmələridirlər.
İkinci yerdə isə Qallen Universiteti gəlir. Qallen böyük maddi bazaya, zəngin büdcəyə malik olsa da, Avropanın ən güclü universitetləri sırasında deyil. Lakin İsveçrə və qonşu dövlətlərin zənginləri daha çox burada oxumağa can atıblar. Bu səbəbdən də hazırda Qallenin 10 milyarder məzunu var.
Üçüncü yerdəki universitet isə Avropanın iqtisadiyyat sahəsində ən nüfuzlu təhsil ocağı sayılan London Scholl of Economicsdir. Sırf biznes profili üzrə ixtisaslaşan ali məktəbin hazırda 8 milyarder yetirməsi var.
Moderator.az
