Xəbərlər / Cəmiyyət
24 avqust 2017
2 458
Köhnə kitabların ətri
Hər kəsə məlumdur ki, köhnə kitablardan özünəməxsus qoxu gəlir.
AzTehsil.com Azərbaycan Milli Elmlər Akademiyasının Neft–Kimya Prosesləri İnstitutunun saytına istinadla xəbər verir ki, Londonun universitet kollecinin kimyaçıları XVIII əsrdə yaradılmış Müqəddəs Pavel kilsəsinin qədim kitabxanasında havanı analiz ediblər.
"Nauka i jizn” jurnalının məlumatına görə, kütlə spektroskopiyası qaz xromotoqrafiyası ilə birlikdə havada 17 iyli maddəni tapmağa imkan verir. Bu uçucu maddələr kağızın köhnəlməsi zamanı əmələ gəlir. Belə iylər palitrasının insanda hansı təəssürat yaratdığını bilmək üçün kitabxananın 79 oxucusu arasında sorğu aparılıb. Onların 70 faizi kitab anbarındakı iyi xoşagələn hesab edib, digərləri isə bunu zəhləaparan adlandırıblar.
Alimlər hesab edirlər ki, köhnə kitabları bərpa edərkən onların iylərini də saxlamalıdırlar, çünki iylənən birləşmələrin tərkibi (kitablardan ayrılan) onun vəziyyəti və saxlanma dərəcəsi haqqında məlumat verə bilər.
