Akademiyanın 70 illik tarixində belə bir təşəbbüs olmayıb

Daha tez məlumatlanmaq üçün Facebook səhifəmizi bəyən və paylaş

Azərbaycan Milli Elmlər Akademiyasının (AMEA) Yüksək Texnologiyalar Parkı ilə tanışlıq məqsədi ilə tədbir keçirilib.

Aztehsil.com apa-ya istinadən xəbər verir ki, tədbirdə təhsil naziri Mikayıl Cabbarov, AMEA-nın prezidenti, akademik Akif Əlizadə, akademiyanın institut rəhbərləri və başqaları iştirak edib.

Tədbir iştirakçıları Texnologiya və İnnovasiya Məhsullarının Transfer Mərkəzinin və parkın potensial rezidentlərinin işi ilə tanış olub, Təcrübə Sənaye Zavodunun və "Millers-Oils Azərbaycan” MMC-nin yağ istehsal sahələrinə baxış keçiriliblər.

AMEA-nın prezidenti Akif Əlizadə qeyd edib ki, 2016-cı ildə ölkə başçısı tərəfindən imzalanan sərəncama əsasən Yüksək Texnologiyalar Parkı yaradılıb: "Bu özlüyündə böyük hadisədir. Akademiyanın 70 illik tarixində belə bir təşəbbüs olmayıb. Bu gün elm və təhsil vəhdət yaradaraq Azərbaycan istehsalına yenilik gətirir. Bu parkda ilk addımlar atılır. Burada bir neçə istiqamətli innovativ qərar tətbiq edilib, müxtəlif adlarda məhsullar istehsal edilir”.

Təhsil naziri Mikayıl Cabbarov elm və təhsilin daha yaxın inteqrasiya olunmasının vacibliyinə toxunub. Nazir bildirib ki, tələbə və şagirdlər Yüksək Texnologiyalar Parkı ilə yaxından tanış olacaq, onun iş təcrübəsini öyrənəcəklər. Burada əsas məqsəd birgə tədqiqatlar aparmaq və iqtisadi fəaliyyətlə məşğul olmanı təşviq etməkdir.

Tədbirdə AMEA və Təhsil Nazirliyinin gələcəkdə də birgə əməkdaşlığının vacibliyi vurğulanıb. Bildirilib ki, elm və təhsil müəssisələri üçün mühüm əməkdaşlıq platforması kimi Yüksək Texnologiyalar Parkının imkanlarından geniş istifadə etmək məqsədi ilə layihələr həyata keçiriləcək.

DİQQƏT! DİQ və direktor müavinlərinin işə qəbulu müsabiqəsinə əyani və distant hazırlaşmaq istəyənlər Məktəbşünaslıq Kurslarımıza müraciət edə bilər. 0506725911 Zəng və ya votsap yazın.