Xəbərlər
05 iyul 2017
4 836
İnformatika müəllimlərinə yeni imkanlar yaradılıb
Təlimə Dəstək Mərkəzi (TDM) tərəfindən "Addım” layihəsi çərçivəsində informatika müəllimləri üçün mentorluq xidməti təşkil edilib.
Aztehsil.com-un mBakı Şəhəri üzrə Təhsil İdarəsindən bildirilib ki, ilk növbədə, paytaxt məktəblərində informatika fənnini tədris edən müəllimlərə mentorluq xidməti göstərəcək könüllülər qrupu müəyyənləşdirilib və onlar üçün "Alqoritmləşmə və proqramlaşdırmaya giriş” mövzusunda seminar keçirilib. Müzakirələr TDM-in metodisti Abdulla Qəhrəmanov tərəfindən aparılıb.
Seminarın keçirilməsində əsas məqsəd müəllimlərin bilik və bacarıqlarının artırılmasına, yeni texnologiyalarla tanış olmalarına və dərsləri daha peşəkar təşkil etmələrinə kömək göstərməkdən ibarətdir.
Məşğələlər beş gün davam edib.
İnformatika müəllimləri üçün oxşar seminarların növbəti aylarda da təşkil edilməsi nəzərdə tutulur.
aztehsil.com
