Xəbərlər / Magistr
17 fevral 2022
508

Magistraturalara qəbul imtahanı keçiriləcək


İmtahan saat 11:00-da başlanacaq və 3 saat davam edəcək


Dövlət İmtahan Mərkəzi (DİM) fevralın 20-də ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanı keçirəcək.


Magistratura səviyyəsinə qəbul imtahanı respublikanın 7 şəhər və rayonunda – Bakı, Sumqayıt, Abşeron, Naxçıvan, Gəncə, Mingəçevir və Lənkəranda, ümumilikdə 71 imtahan binasında aparılacaq.


Bakalavrların imtahan verəcəyi yer onun “Şəxsi kabinet”ində qeyd etdiyi faktiki yaşadığı məntəqəyə uyğun müəyyən olunur.


İmtahan bütün binalarda eyni vaxtda – saat 11:00-da başlanır. İmtahanın başlanmasına 15 dəqiqə qalmış saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.


Bildiyiniz kimi, imtahanda bakalavrların xarici dil üzrə dinləyib-anlama bacarıqları da yoxlanılır. İmtahan dinləmə mətninin səsləndirilməsi ilə başlanacaq. Mətnin səsləndirilməsinə hazırlıq və binada sakitliyin təmin olunması ilə əlaqədar imtahanın başlanmasına 15 dəqiqə qalmış hər kəs zalda olmalıdır.


İmtahanın müddəti 3 saatdır. İmtahan başa çatdıqda və ya iştirakçı tərəfindən yekunlaşdırıldıqda cavab kartı ilə yanaşı, sual kitabçası da nəzarətçiyə təhvil verilir.


COVID-19 infeksiyası ilə əlaqədar ehtiyat tədbirləri çərçivəsində görülən işlərə uyğun olaraq kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək vacibdir.


İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur.


İmtahan binalarına yalnız tibbi maska ilə daxil olmağa icazə veriləcək və iştirakçıların məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. Bədən hərarəti 37 dərəcə və ya ondan


yuxarı olan iştirakçılar imtahana buraxılmır. İmtahan zallarında bakalavrların bir-birindən lazımi uzaq məsafədə əyləşdirilməsi təmin olunacaq.


Məlumat üçün qeyd edək ki, ərizələrin qəbulu internet vasitəsilə fevralın 1-dən 10-dək aparılıb. İmtahanda iştirak etmək üçün 17097 bakalavr ərizə təqdim edib. Onlardan 15653 nəfəri Azərbaycan bölməsi, 1444 nəfəri rus bölməsi üzrə imtahan verəcək. Bakalavrlardan 10307-si cari ilin, 6790-ı isə əvvəlki illərin məzunlarıdır, 33 nəfər xarici ölkə vətəndaşıdır. Magistraturaya qəbul olmaq istəyən ən cavan bakalavr 2003-cü il, ən yaşlı bakalavr isə 1963-cü ildə anadan olub.


Qəbul imtahanı Bakıda 50, Sumqayıtda 5, Abşeronda 3, Gəncədə 6, Naxçıvanda 2, Mingəçevirdə 3, Lənkəranda 2 binada təşkil olunacaq. Bakıda 12307, Naxçıvanda 558, Gəncədə 1418, Sumqayıtda 1208, Abşeronda 698, Mingəçevirdə 574, Lənkəranda 334 bakalavrın imtahan verəcəyi gözlənilir. İmtahanın idarə olunmasına 271 imtahan rəhbəri və ümumi rəhbər, 1590 nəzarətçi-müəllim, 146 buraxılış rejimi əməkdaşı cəlb olunacaq.


Ərizə vermiş bakalavrlar imtahanda iştirak etmək üçün fevralın 14-dən etibarən DİM-in internet saytına daxil olub “Şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur.


Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:


– Şəxsiyyəti təsdiqləyən sənədin əslini;


– “İmtahana buraxılış vərəqəsi”ni.


– “İmtahan iştirakçısının sağlamlığı haqqında bəyannamə” (Bəyannamə DİM-in saytından “İmtahana buraxılış vərəqəsi” ilə bir yerdə çap olunur və bakalavr tərəfindən imzalanır. Bəyannaməni imtahan nəzarətçisinə təhvil vermək lazımdır).


Göstərilən sənədləri arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaq.


Hazırda imtahanlarda iştirak edəcək nəzarətçilər, imtahan rəhbərləri və mühafizə əməkdaşları ilə təlim-seminarlar keçirilir. Bütün imtahan binaları yoxlanılır, zallarda bakalavrların rahat imtahan verməsi üçün zəruri şərait yaradılır. Təhlükəsizliyin təmin edilməsi məqsədilə fevralın 19-da imtahan mərkəzləri, zallar, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.



Загрузка...
loading...

Həmçinin oxuyun:
Bu gün magistraturaya qəbul imtahanı keçirilir

Bu gün magistraturaya qəbul imtahanı keçirilir

Bu gün magistraturaya qəbul imtahanı keçiriləcək

Bu gün magistraturaya qəbul imtahanı keçiriləcək

Sabah magistraturaya sınaq imtahanı keçiriləcək

Sabah magistraturaya sınaq imtahanı keçiriləcək

Qəbul imtahanına hazırlaşanların  nəzərinə!

Qəbul imtahanına hazırlaşanların nəzərinə!

3 fevral sınaq imtahanı keçiriləcək.

3 fevral sınaq imtahanı keçiriləcək.

Magistraturaya qəbul imtahanı keçiriləcək

Magistraturaya qəbul imtahanı keçiriləcək

Magistraturaya imtahan verəcək şəxslərin sayı AÇIQLANDI

Magistraturaya imtahan verəcək şəxslərin sayı AÇIQLANDI

Sınaq imtahanı keçiriləcək.

Sınaq imtahanı keçiriləcək.

Bu gün respublikanın 24 şəhər və rayonunda buraxılış imtahanı keçirilir

Bu gün respublikanın 24 şəhər və rayonunda buraxılış imtahanı keçirilir

Azərbaycan dili fənni üzrə sınaq imtahanı keçiriləcək

Azərbaycan dili fənni üzrə sınaq imtahanı keçiriləcək

Şagirdlər sabah buraxılış imtahanı verəcək

Şagirdlər sabah buraxılış imtahanı verəcək

Azərbaycan dili üzrə imtahan yeni modelə uyğun keçiriləcək

Azərbaycan dili üzrə imtahan yeni modelə uyğun keçiriləcək

9-cu sinif şagirdləri üçün buraxılış imtahanının birinci mərhələsi keçirilir

9-cu sinif şagirdləri üçün buraxılış imtahanının birinci mərhələsi keçirilir

Avqustun 11-də növbəti imtahanlar keçiriləcək

Avqustun 11-də növbəti imtahanlar keçiriləcək

İçəri telefon və “ağıllı” saatla girən iki nəfər magistratura imtahanından xaric olundu

İçəri telefon və “ağıllı” saatla girən iki nəfər magistratura imtahanından xaric olundu

İmtahanların başlama vaxtı dəyişdirildi: DİM-dən XƏBƏRDARLIQ

İmtahanların başlama vaxtı dəyişdirildi: DİM-dən XƏBƏRDARLIQ

DİM növbəti buraxılış imtahanlarını keçirəcək

DİM növbəti buraxılış imtahanlarını keçirəcək

Magistraturaya qəbul imtahanının nəticələri 3 gün ərzində açıqlanacaq

Magistraturaya qəbul imtahanının nəticələri 3 gün ərzində açıqlanacaq

27 şəhər və rayonda 9-cu sinif şagirdləri imtahan verəcək

27 şəhər və rayonda 9-cu sinif şagirdləri imtahan verəcək

Dövlət İmtahan Mərkəzi Azərbaycan Milli Elmlər Akademiyasının magistraturalarına qəbul imtahanını keçirəcək

Dövlət İmtahan Mərkəzi Azərbaycan Milli Elmlər Akademiyasının magistraturalarına qəbul imtahanını keçirəcək

Bu gün magistraturaya qəbul imtahanıdır - II mərhələ

Bu gün magistraturaya qəbul imtahanıdır - II mərhələ

24 şəhər və rayonda şagirdlər buraxılış imtahanı verəcək

24 şəhər və rayonda şagirdlər buraxılış imtahanı verəcək

Bu gün magistraturaya qəbul imtahanı keçirilir

Bu gün magistraturaya qəbul imtahanı keçirilir

Bu gün III ixtisas qrupu üzrə qəbul imtahanı keçiriləcək

Bu gün III ixtisas qrupu üzrə qəbul imtahanı keçiriləcək