Xəbərlər / Müəllim
06 avqust 2021
1 260
Avqust ayı ərzində keçiriləcək qabiliyyət imtahanlarının vaxtı müəyyənləşib
Dövlət İmtahan Mərkəzi (DİM) tərəfindən ali təhsil müəssisələrinin bakalavriatura səviyyəsinə, o cümlədən ümumi (9 illik) və tam (11 illik) orta təhsil bazasında kolleclərə qəbul üçün avqust ayı ərzində keçiriləcək xüsusi qabiliyyət imtahanlarının tarixləri müəyyənləşib.
DİM-dən bildirilib ki, avqustun 6, 9, 10, 11, 12, 13, 16, 17, 18, 19, 20, 23, 24, 25, 26, 27, 30 və 31-də təsviri sənət, bədən tərbiyəsi, musiqi, teatr-kino xoreoqrafiya, islamşünaslıq və memarlıq ixtisasları üzrə qabiliyyət imtahanları təşkil ediləcək.
Abituriyentlər imtahanların tarixi ilə qabiliyyət imtahanına buraxılış vərəqəsində tanış olmalıdırlar.
