Xəbərlər / Müəllim
22 aprel 2021
926
Beynəlxalq Təhsil İdarəçiliyi konfransı öz işinə başlayacaq
22 aprel saat 15:00-da Beynəlxalq Təhsil İdarəçiliyi konfransı öz işinə başlayacaq.
4 gün davam edəcək onlayn konfransda 9 fərqli ölkədən alimlər, tədqiqatçılar, təhsil işçiləri iştirak edəcəklər.
Konfransa bu keçid vasitəsi ilə qoşula bilərsiniz: https://youtu.be/KwDY68tU7I4
Məruzəçilər təhsildə liderlik, keyfiyyətin təminatı, qiymətləndirmənin təşkili, planlaşdırma, təhsilin iqtisadiyyatı, distant təhsilin idarə olunması, inklüziv və xüsusi təhsil idarəçiliyi, peşə təhsili və idarəçilik, təhsilin idarə olunmasının beynəlxalq modelləri mövzularında çıxış edəcəklər və mövzu ətrafında müzakirələr aparılacaq.
Konfrans Azərbaycan Respublikasının Təhsil İnstitutunun dəstəyi, Təhsil İdarəçiləri Assosiasiyası və T-Network təhsil işçilərinin təcrübə və kommunikasiya platformasının təşkilatçılığı ilə keçirilir.
Qeyd edək ki, çıxışlar Azərbaycan dilinə tərcümə olunacaq.
