“Elm, dostluq və sağlam rəqabət” devizli Məntiq olimpiadası
Əvvəlcə olimpiadanın videoçarxı nümayiş etdirilib.
Olimpiadanı giriş sözüylə açan universitetin rektoru Elbrus İsayev Azərbaycan ali təhsil müəssisələri arasında ilk dəfə təşkil edilən olimpiadanı yüksək qiymətləndirib. Qeyd edib ki, düzgün təfəkkür haqqında elm kimi götürülən məntiq , həmçinin qazanılmış təcrübə və dərketmə vasitəsilə həqiqətin əldə edilməsi elmi də adlandırılır.
Bildirilib ki, məntiq olimpiadası ilə muxtar respublikada olimpiada hərəkatını başlatmaq, tələbələrin elmə yönləndirilməsinə, eləcə də bilik və bacarıqlarının artırılmasına xidmət etmək əsas missiyadır. Məntiqi biliklərin formalaşdırılması və inkişafına xidmət edən bu cür bilik yarışlarının keçirilməsinin tələbələrin dünyagörüşünə əsaslı təsir edəcəyi də vurğulanıb.
Naxçıvan Müəllimlər İnstitutunun rektoru Azad Novruzov, Naxçıvan Universitetinin rektoru Nurlana Əliyeva maraqlı layihənin təşkilatçısı olduqlarına görə universitet rəhbərliyinə öz minnətdarlıqlarını bildirib və olimpiada iştirakçılarına uğurlar arzulayıb.
Sözləri universitetin Azərbaycan dili və ədəbiyyatı kafedrasının dosenti Xanəli Kərimliyə, musiqisi isə incəsənət fakültəsi Xalq çalğı alətləri kafedrasının müəllimi Polad Vəliyə məxsus "Olimpiada himni”nin sədaları altında Olimpiada bayrağı gətirilib.
Elm və innovasiyalar bölməsinin müdiri Rza Məmmədov olimpiada haqda məlumat verib. Qeyd edilib ki, tələbələrin həm məntiqi biliklərinin inkişafına, həm də dünyagörüşünə əsaslı şəkildə təsir edəcək olimpiadanın devizi "Elm, dostluq və sağlam rəqabət” dir.
İki mərhələdə təşkil edilən olimpiadaya 3 ali təhsil müəssisəsindən 250-ə yaxın tələbə onlayn olaraq müraciət edib. Onlardan 110 nəfəri qaydalar üzrə yarışda iştirak hüququ qazanıb. Elektron formatda təşkil olunan yarışın birinci mərhələsində tələbələrə 50 sual ünvanlanıb. İlk mərhələ üçün vaxt limiti 1 saat 30 dəqiqə müəyyənləşdirilib.
Yarışın ikinci mərhələsində hər bir universitetdən ən yüksək nəticə göstərmiş 5 nəfər həmin ali təhsil ocağını komanda olaraq təmsil etmək hüququ qazanıb. Şifahi-elektron formatda təşkil olunan II mərhələdə 30 sual olmaqla hər suala 1 dəqiqə vaxt verilib.
Olimpiadanın final mərhələsində komandalara 30 sual ünvanlanıb. Doğru və tez cavab verən komandalar mərhələnin qalibi seçilib.
NDU-nun komandası olimpiadanın qalibi olub. Naxçıvan Müəllimlər İnstitutu II, Naxçıvan Universiteti isə III yerləri bölüşüblər. Qaliblərə diplom və medallar təqdim edilib. I yerin qalibi isə kubok və pul mükafatı ilə təltif olunub.
Qeyd edək ki, hər iki mərhələdə üç ali təhsil müəssisəsindən müşahidəçilər iştirak edib və yarışın nəticələrini qiymətləndiriblər.
Bakı məktəbliləri arasında məntiq olimpiadası keçiriləcək
“Ali məktəb tələbələri arasında informatika üzrə Ümumrespublika Olimpiadası”na start verilib
II Məntiq Olimpiadasının ilk turunun nəticələri açıqlanıb
Məktəblilərarası II Məntiq Olimpiadasının ilk turu keçirilib
“Vergilər" mövzusunda tələbə və magistrantlar arasında 11-ci olimpiadaya yekun vurulub
Azərbaycanlı məktəblilər Moskvada Beynəlxalq Rus Dili Olimpiadasının qalibi olublar
Təhsil naziri: "Beynəlxalq İnformatika Olimpiadası İT sənayesinin inkişafına töhfə verəcək"
Respublika fənn olimpiadalarının rayon (şəhər) mərhələsinin nəticələri məlumdur
Respublika fənn olimpiadalarının ilk mərhələsi keçirilib
Riyaziyyat Olimpiadasından ilk medal
Olimpiada qaliblərinin müsabiqədənkənar tələbə olmaq şansı
31-ci Beynəlxalq İnformatika Olimpiadası ilə bağlı mətbuat konfransı
Məktəblimiz beynəlxalq olimpiadanın qalibi olub
BDU -da Məktəblilərarası Astronomiya Olimpiadası öz işinə başlayıb
Şabranda rus dili və ədəbiyyatı üzrə olimpiada təşkil olunub
Final mərhələsinin vaxtı açıqlanıb
31-ci Beynəlxalq İnformatika Olimpiadasının növbəti yarış mərhələsi
“Naxçıvan” Universitetinin rektoru təyin edilib
Olimpiadaların "qızıl qaydaları" - beynəlxalq uğurun şərtləri
İntellektual yarışda tələbələrdən ibarət 17 komanda mübarizə aparıb
NDU-nun tələbəsi onlayn rəsm müsabiqəsinin qalibi olub
21 Bakı məktəblisi olimpiada qalibidir
31-ci Beynəlxalq İnformatika Olimpiadası üzrə birgə iclas
“Gələcəyin mühəndisi -1” onlayn olimpiadası