Xəbərlər
25 fevral 2017
3 507
Ağstafanın orta məktəblərində Xocalı soyqırımına həsr olunan tədbirlər keçirilir
Ağstafa rayon ümumtəhsil müəssisələrində "Xocalı Soyqırımı”nın 25-ci il dönümü ilə əlaqədar anım tədbirləri keçirilib.
Həsənsu, Dağ Kəsəmən 1 saylı, Aşağı Kəsəmən, Yuxarı Göycəli, Qırılı kənd tam orta məktəblərində Xocalı soyqırımının 25-ci il dönümü qeyd edilib. Tədbir Azərbaycan Respublikasının Dövlət Himni ilə başlayıb. Daha sonra Xocalı faciəsi qurbanlarının, Azərbaycanın müstəqilliyi və ərazi bütövlüyu uğrunda canından keçmiş şəhidlərin əziz xatirəsi bir dəqiqəlik sükutla yad edilib
Məktəb kollektivi və şagirdlərin iştirakı ilə keçirilən tədbirlərdə Xocalı soyqırımına həsr edilmiş şeir, musiqi və səhnəciklər nümayiş etdirilib.
Ağstafa şəhər 1 saylı, texniki-humanitar təmayüllü liseydə, Poylu, Qıraq Kəsəmən, Muğanlı, Tatlı kənd tam orta məktəblərində Xocalı facisənin qurbanları yad edilib. Tədbirlərdə vətənpərvərlik mövzusunda çıxışlar, şeir və səhnəciklər üstünlük təşkil edib. Xocalı həqiqətlərindən bəhs edən videoçarxlar izlənilib.
aztehsil.com
Nəcibə Vəliyeva(Ağstafa təhsil şöbəsi, ictimaiyyətlə əlaqələr üzrə məsul şəxs)
