Xəbərlər / Müəllim / Şagird
16 iyun 2020
1 222
Paytaxt məktəblisi beynəlxalq müsabiqədə birincilik qazanıb
Paytaxt məktəblisi beynəlxalq müsabiqənin qalibi olub. Belə ki, Bakı Şəhəri üzrə Təhsil İdarəsinin tabeliyindəki 82 nömrəli tam orta məktəbin III sinif şagirdi Amal Ahmadulin onlayn şəkildə keçirilən "2020-ci ilə təşəkkür edirik" beynəlxalq gənclərarası müsabiqədə I yeri qazanıb. X beynəlxalq gənclərarası müsabiqədə "Xoreoqrafiya" nominasiyası üzrə istedadlı məktəblinin nümayiş etdirdiyi "İgidlər rəqsi" maraqla qarşılanıb. Məktəbli uğurlu çıxışına görə 9-11 yaş kateqoriyası üzrə 100 baldan 91-ni toplayaraq I dərəcəli diploma layiq görülüb.
Qeyd edək ki, bu, onun ilk uğuru deyil. 5 yaşından Qara Qarayev adına Mərkəzi İncəsənət Məktəbində rəqslə məşğul olan məktəbli 2018-ci ildə ölkəmizdə keçirilən dünya rəqs festivalında və açıq Azərbaycan çempionatında "Alov" ansamlının tərkibində uğurla iştirak edərək I yeri tutub.
Onu da qeyd edək ki, Amal Ahmadulin rəqslə yanaşı rəsm çəkməklə də məşğuldur.
