Xəbərlər / Müəllim
13 may 2020
1 413
Saatlıda virtual məktəb proqramına yaradılan problem – Yerli məmurdan müəllimin evinə internet çəkdirməsinə maneə
Saatlı rayonunun Məzrəli kənd tam orta məktəbinin təşkilat məsələləri üzrə direktor müavini, eyni zamanda Azərbaycan dili və ədəbiyyat müəllimi Həsənova Sara Malik qızı Avropa.info-ya müraciət edib.
Həmin müraciəti təqdim edirik:
"Hamımıza məlumdur ki, Koronavirusla (COVİD-19) bağlı ölkəmizdə digər sahələr kimi, Azərbaycan təhsilində də həssas bir dönəm yaşanır. Buna görə də onlayın təhsil, virtual məktəb bu günümüzdə xüsusi ilə əhəmiyyət kəsb edir.
Hamımıza bu da məlumdur ki, təhsilin fasiləsiz olaması üçün onlayın dərslərin keçilməsi Azərbaycan Respublikasının Prezidenti cənab İlham Əliyevin birbaşa nəzarətindədir və bunun üçün Cənab pirezdentimiz müəllim və sagirdlərin fasiləsiz internetlə təminatına dair məlum qərarı da mövcuddur. Lakin bütün bunlara baxmayaraq, mənim evimə hələ də internet çəkdirməyim Saatlı rayon telekomunikasiya qovşağının müdiri Əzizov Abidin və orada mühəndis işləyən Cahangirov Əlsahibin özbaşınalığı səbəbindən mümkün deyil. Belə ki, dəfələrlə Saatlı rayon telekomnikasiya qovşağının müdiri A. Əzizova evimə internet çəkilməsi üçün rəsmi müraciətlər etsəm də, heç bir cavab almamışam və nəticıəsi olmayıb.
30 aprel 2020-ci il tarixdə qəbuluna getsəm də A. Əzizov məni qəbul etmədi. Məsələ ilə bağlı orada mühəndis işləyən Ə. Cahangirova müraciət etdim. Ə. Cahangirov müraciətimi hədsiz dəraəcədə kobud və qışqıra-qışqıra qarşılayaraq mənə verdiyi cavab bu oldu: "Sənə üzərində borclar olan nömrə verəcəyik, borcsuz nömrəmiz yoxdur. İnternet xəttinin çəkilişi üçün abonentə 100 metr verilməli olan şunuru isə verməyəcəyik, zəhmət çək get hardan alırsan al".
Mən A. Əzizovu idarədən çıxarkən görə bildim. Mühəndisin sözlərini ona çatdırdım. Və əlavə etdim ki, rüsum ödəyib nömrə almaq, internet çəkdirmək istəyərkən rəsmi müraciətlrimə də baxmamısınız. Abid Əzizov isə belə cavab bildirdi: "Əgər mühəndis üzərində borc olan nömrə verirsə, onu da götürməlisiniz, o ki, qaldı kabelə onu da mühəndis düz deyir, gedin öz vəsaitiniz hesabına bazardan alıb çəkdirin, biz bir (1) metir də olsa sizə kabel verən deyilik".
Məlumdur ki, abonentin telefon çəkliş haqqı tarifinə 100 metr məsafəyədək şəbəkəyə qoşulmaq üçün bütün xərclər daxildir. Əlavə tələb olunan xətt materiallarının, iş və xidmətlırin dəyəri smeta əsasında abunəçi tərıfindən ödənilir. Lakin nəzərə almaq lazımdır ki, abonent üçün nəzərdə tutulmuş bu 100 metirlerlə kabelləri Saatlı rayon telekomnikasiya qovşağının müdürü Abid Əzizovun və orada mühəndis işləyən Əlsahib Cahangirovun əlbirliyi ilə xüsusi mağazanlarda satışa verilir.
Cənab nazir!
Xahiş edirəm, mənim evimə internet çəkilişinin qanun çərçivəsində təşkili üçün aidiyyatı şəxslərə göstəriş verəsiniz və Abid Əzizovla Əlsahib Cahangirovun özbaşnalığına son qoyasınız".
Müraciətdə sadalanan problemlərlə bağlı qarşı tərəfin də mövqeyini dərc etməyə hazır olduğumuzu bildiririk.
