Xəbərlər / Müəllim
15 aprel 2020
3 768
Şagirdlər üçün qiymətləndirmə tapşırıqları vəsaitləri nəşr olunub
Azərbaycan dili və riyaziyyat fənləri üzrə "2-ci sinif şagirdləri üçün qiymətləndirmə tapşırıqları” vəsaitləri nəşr olunub. "İbtidai siniflər üçün qiymətləndirmə tapşırıqları” vəsaitləri Dövlət İmtahan Mərkəzi (DİM) tərəfindən ibtidai sinif şagirdləri üçün fənn kurikulumunun təlim nəticələri əsasında hazırlanır.
DİM-in digər nəşrləri kimi, Azərbaycan dili və riyaziyyat fənləri üzrə "2, 3 və 4 cü siniflər üçün qiymətləndirmə tapşırıqları” vəsaitlərini abiturient.az saytından onlayn sifariş etmək olar.
Sifarişlər "Abituriyent” jurnalının əməkdaşları və ya poçt xidməti vasitəsilə Bakı şəhəri daxilində 2 gün, regionlar üzrə isə məsafədən asılı olaraq ən geci 5 gün ərzində ünvana çatdırılır.
Hazırda bu fənlərə dair "1-ci siniflər üçün qiymətləndirmə tapşırıqları” vəsaitlərinin üzərində iş gedir. Vəsaitlər hazır olduqdan sonra çap ediləcək və şagirdlərin istifadəsinə veriləcək.
Vəsaitlərə daxil edilən tapşırıqların hər biri Təhsil Nazirliyinin ibtidai siniflərdə istifadə üçün təsdiqlədiyi mövcud dərsliklər əsasında hazırlanıb və şagirdlərin idrakyömümlü, məntiqi, nəzəri bilik və bacarıqlarını yoxlamağa imkan verir. Bu tapşırıqlarla tədris prosesində diaqnostik, formativ, summativ qiymətləndirmə aparmaq mümkündür.
