Xəbərlər
13 fevral 2019
1 980
BDU-nun tələbəsini qətlə yetirənin fotosu yayıldı
Bakı Dövlət Universitetinin birinci kurs tələbəsini öldürməkdə şübhəli bilinən 18 yaşlı Amil Adıgözəlovun fotosu yayılıb.
Aztehsil.com qafqazinfo-ya istinadla xəbər verir ki, hadisə fevralın 12-də saat 20 radələrində Şirvan şəhəri ərazisində baş verib.
Sabirabad rayon sakini Amil Adıgözəlov mərhum Rəşad Fətullayevin qonşuluğunda anası ilə birgə kirayədə yaşayıb. Qonşular onun tüfeyli həyat tərzi sürdüyünü və kriminal aləm üzvlərinə simpatiyası ilə fərqləndiyini bildiriblər.
R.Fətullayev atasına məxsus mağazanın qarşısında olarkən həmyaşıdı olan qonşusu Amil ondan pul istəyib, lakin Rəşad ona pul verməkdən imtina edib. Bu səbəblə başlayan mübahisənin sonunda Amil Rəşada bir neçə bıçaq zərbəsi vuraraq öldürüb.
R.Fətullayev BDU-nun Beynəlxalq Münasibətlər və İqtisadiyyat fakültəsinin birinci kurs tələbəsi imiş.
