Xəbərlər
27 aprel 2018
2 526
Azərbaycanda uşaq bağçası uçdu
ğuz rayonunda körpələr evi-uşaq bağçasının binasında uçqun olub.
APA-nın Şəki-Zaqatala bürosunun məlumatına görə, bu gün səhər saat 08 radələrində Təhsil Nazirliyinin Oğuz rayon Təhsil Şöbəsinin nəzdində olan Calut kənd körpələr evi-uşaq bağçasının inzibati binasının arxa divarında uçqun baş verib.
Uçqun baş verən zaman ərazidə uşaqlar olmayıb.
Calut kənd bələdiyyəsindən verilən məlumata görə, bina ötən əsrin 60-cı illərində inşa edilib, 40 ildən çoxdur ki, binada körpələr evi-uşaq bağçası fəaliyyət göstərir.
Bina son illər qəzalı vəziyyətə düşüb. Hadisə ilə bağlı müvafiq qurumlar məlumatlandırılıb.
