Xəbərlər
14 mart 2018
2 129
"Əməliyyat olunan şagirdlər palataya köçürülüblər” - Direktor danışdı
Bu barədə AzEDU.az-a martın 11-də qəzaya uğrayan şagirdlərin təhsil aldığı Yevlax rayon 1 saylı Aran tam orta məktəbinin direktoru Yusif Bayramov məlumat verib.
Onun sözlərinə görə, birbaşa Təhsil Nazirliyinin nəzarəti altında şagirdlərin müalicəsi davam etdirilir:
"Mən hazırda Mingəçevir Şəhər Mərkəzi Xəstəxanasındayam. Xəstələrin vəziyyəti stabildir. Artıq reanimasiyadan palataya köçürülüblər. Səhhətlərində irəliləyiş var, qorxulu heç nə yoxdur. Müəyyən zədələri, sınıqları var ki, onlar da müalicə olunur. Hər gün burada oluram. Şahidiyəm ki, hər şey Təhsil Nazirliyinin birbaşa nəzarətindədir.
Şagirdlərin də yanında ya anaları, ya da xalaları qalır. Bütün xərclər də Təhsil Nazirliyi tərəfindən ödənilir”.
Qeyd edək ki, martın 11-də imtahanda iştirak etmək üçün Yevlax rayonu Aran qəsəbə 1 nömrəli tam orta məktəbinin 15 şagirdi, 1 direktor müavini və 1 nəfər məktəbin əməkdaşından ibarət heyəti aparan mikroavtobus qəzaya uğrayıb. Yaralıların bir qismi Yevlax rayon Mərkəzi Xəstəxanasına, daha ağır yaralılar isə Mingəçevir şəhər Mərkəzi Xəstəxanasına yerləşdirilib.
