Xəbərlər / Cəmiyyət
17 fevral 2018
2 171
“Müəllimləri uşaqlarımızın problemlərinə qayğıyla yanaşırlar...”- Aprel Şəhidimizin həyat yoldaşı...
"Bizi həmişə diqqət mərkəzində saxlayırlar”.
Bu sözləri açıqlamasında aprel Şəhidimiz gizir Rahim Tağıyevin həyat yoldaşı Vüsalə xanım deyib. Vüsalə xanım bildirib ki, dünən Mingəçevir şəhərində 10 saylı orta məktəbdə aprel Şəhidlərinə həsr olunmuş tədbir keçirilib:
"Yaşadığımız Mingəçevir şəhərində Aprel Şəhidlərinə həsr olunmuş silsilə tədbirlər təşkil olunur. Həqiqətən bizi həmişə diqqət mərkəzində saxlayırlar. Tədbirlərə dəvət edirlər, problemlərimizlə maraqlanırlar. Məktəbdə uşaqlarımıza qarşı münasibət də çox yaxşıdı. Müəllimələri uşaqlarımızın problemlərinə qayğıyla yanaşırlar. Təşkil edilən tədbirlərdə Şəhid olan hərbçilərimizin döyüş yolu, qəhrəmanlıqları gənc nəsilə çatdırılır. Dünən yenə yüksək səviyyədə təşkil edilmiş daha bir tədbirdə iştirak etdik. Əməyi keçən hər kəsə təşəkkür edirəm. Bizə bildirdilər ki, hələ bu tədbirlərin davamı olacaq”.
Moderator.az
