Xəbərlər / Müəllim
23 yanvar 2018
3 488
Bu rayonda yeni təhsil proqramı üzrə hazırlıq kursu təşkil olunacaq
Dövlət İmtahan Mərkəzi (DİM) yanvarın 27-28-də Şəmkir şəhəri Nizami adına tam orta məktəbdə (Ş.Qurbanov küçəsi, 1) Azərbaycan dili, riyaziyyat, kimya, fizika, biologiya və coğrafiya fənlərindən yeni təhsil proqramları (kurikulumlar) üzrə qiymətləndirmə tapşırıqlarının hazırlanması və onların meyarlar əsasında yoxlanılmasına (marker) dair hazırlıq kursları təşkil edəcək.
DİM-dən bildiriblər ki, hazırlıq kurslarında yalnız bu il yanvarın 10-dək elektron qeydiyyatdan keçmiş yeni proqramla (kurikulum) tanış olan, ixtisası müvafiq fənnə uyğun olan müəllimlər, metodistlər, pedaqojiyönümlü ali təhsil müəssisələrinin bakalavriat səviyyəsinin axırıncı kurs tələbələri və həmin müəssisələrdə təhsil alan magistrlər iştirak edə bilərlər.
