Bu rayonda yeni təhsil proqramı üzrə hazırlıq kursu təşkil olunacaq
Dövlət İmtahan Mərkəzi (DİM) yanvarın 24-25-də Salyan rayonunda Azərbaycan dili fənnindən yeni təhsil proqramı (kurikulum) əsasında qiymətləndirmə tapşırıqlarının hazırlanması və onların meyarlar əsasında yoxlanılmasına (marker) dair hazırlıq kursu təşkil edəcək.
Aztəhsil.com xəbər verir ki, DİM-dən bildiriblər ki, hazırlıq kursu Salyan rayonu Heydər Əliyev Mərkəzində (T.Xəlilbəyli küçəsi, 136) keçiriləcək.
Hazırlıq kursunda yalnız 2018-ci il yanvarın 10-dək elektron qeydiyyatdan keçmiş, yeni proqramla (kurikulum) tanış olan, ixtisası müvafiq fənnə uyğun olan müəllimlər, metodistlər, pedaqojiyönümlü ali təhsil müəssisələrinin bakalavriat səviyyəsinin sonuncu kurs tələbələri və həmin müəssisələrdə təhsil alan magistrlər iştirak edə bilərlər.
