“İdrak” liseyində Azərbaycan, rus və ingilis dillərində Qarabağ dərsləri...
"Karabakh TV” internet kanalı Bakı "İdrak” liseyində yetişməkdə olan nəslin hərbi vətənpərvərlik tərbiyəsi istiqamətində görülən işlər barədə reportaj hazırlayıb.
Peşəkar, vətənpərvər və milli əqidəli müəllim kollektivinə malik bu təhsil ocağında müasir tədris üsulları və texnoloji vasitələrdən də yararlanmaqla şagirdlərin əsl Azərbaycan vətəndaşı kimi böyüməsi üçün xeyli işlər görülür. Liseyin müxtəlif siniflərində erməni işğalı altındakı torpaqlarımız, ermənilərin tarixi fitnə və saxtakarlıqları, 1988-1994-cü illərdəki birinci Qarabağ savaşı, eləcə də 2016-cı ilin Aprel döyüşləri, şəhid və qəhrəmanlarımız barədə tarix müəlliməsi Aynurə İsmayılovanın rus, tarix müəllimi Nəsimi Rzayevin Azərbaycan və ingilis dillərində apardığı Qarabağ dərsləri də bunu sübut edir.
