İmtahanlara hazırlaşanlara yeni XƏBƏR: qəbul proqramları təsdiqləndi
Dövlət İmtahan Mərkəzində (DİM) ayrı-ayrı fənlər üzrə keçirilən elmi-metodik seminarlar fəaliyyətini davam etdirir.
Aztəhsil.com xəbər verir ki, DİM-dən modern.az-a bildirilib ki, müvafiq fənlər üzrə təşkil olunan seminarlarda 2018-ci ildə keçiriləcək buraxılış imtahanının, hərbi liseylərə və ali təhsil müəssisələrinə qəbul imtahanlarının proqramlarının müzakirəsi başa çatıb. Müzakirələr nəticəsində artıq proqramlar təsdiqlənib.
Buraxılış və qəbul imtahanlarının proqramları 2018-ci ildə "Abituriyent” jurnalının birinci nömrəsində dərc olunacaq.
Hazırda elmi-metodik seminarlarda bu il qəbul imtahanlarında istifadə olunmuş test tapşırıqları imtahan nəticələrinin statistik göstəriciləri əsasında mövzu, mürəkkəblik dərəcəsi və qabiliyyət göstəriciləri baxımından təhlili edilir.
