Xəbərlər / Texnologiya
10 oktyabr 2017
2 392
“Facebook” sifətin tanınması texnologiyasının sınağına başlayıb
"Facebook” sosial şəbəkə istifadəçilərinə hesabın itirilməsi zamanı ondan istifadənin bərpasına imkan verəcək sifətin tanınması texnologiyasını sınaqdan keçirməyə başlayıb.
Şirkət nümayəndələri bildirib ki, biz yeni funksiyanı istifadəçilər tərəfindən hesabın onlara məxsus olmasını tez və asan şəkildə təsdiqi üçün test edirik.
Funksiyadan yalnız istifadəçilərin əvvəllər hesablarına daxil olmaq üçün istifadə etdikləri qurğularda yararlanmaq mümkündür. SMS vasitəsilə ikifaktorlu autentifikasiya ilə yanaşı, funksiya şəxsiyyəti təsdiq etməyə kömək edəcək.
Bildirilir ki, sifətin tanınması funksiyası etibarlı və haker hücumlarına qarşı dayanıqlı olacağı təqdirdə ondan çoxsaylı istifadəçilərin yararlanması üçün şərait yaradılacaq.
"Facebook” sosial şəbəkəsində uzun illər ərzində müxtəlif hesabın blokadan çıxarılma üsullarından istifadə olunub. Ayrı-ayrı hallarda sayt dostların fotoşəkillərinin tanınmasını tələb edib. Eyni zamanda, istifadəçi hesabının bərpası üçün kod alacaq etibarlı kontaktlar siyahısını əvvəlcədən yaratmaq da təklif olunub.
