Xəbərlər / Cəmiyyət
06 oktyabr 2017
5 905
VII sinif şagirdləri arasında riyaziyyat və məntiq fənlərindən seçim turu keçirilmişdir.
Azərbaycan Respublikası Təhsil Nazirliyinin "Təhsildə inkişaf və innovasiyalar üzrə 1-ci qrant müsabiqəsində qalib olmuş "İstedadlı şagirdlərin seçilməsi və onlarla işin təşkili layihəsinə uyğun olaraq 06 oktyabr tarixində Dilqəm Nəbiyev adına 178 nömrəli tam orta məktəbdə Bakı şəhəri Nərimanov rayonunda yerləşən məktəblərin VII sinif şagirdləri arasında riyaziyyat və məntiq fənlərindən seçim turu keçirilmişdir.
Məktəbin saytında və sosial şəbəkələrdə verilmiş elanlara əsasən şagirdlərin onlayn qeydiyyatı aparılmışdır. Seçim turunda 15 məktəbdən 200-ə yaxın şagird iştirak etmişdir. Açılış mərasimində çıxış edən layihənin rəhbəri professor Nasim Abışov layihənin əhəmiyyətindən, məqsəd və vəzifələrindən, görüləcək işlərdən və gözlənilən nəticələrdən danışmış, son illərdə Azərbaycan Respubliksı təhsil nazirliyi tərəfindən istedadlı şagirdlərlə bağlı bir sıra mühüm işlərin görüldüyünü, bu işlərin sayəsində beynəlxalq fənn olimpiadalarında medal qazanan məktəblilərimizin sayının ildən-ilə artdığını qeyd etmişdir. N.Ə.Abışov "Azərbaycan Respublikasında təhsilin inkişafı üzrə Dövlət Strategiyasında” istedadlı uşaqlarla bağlı strateji hədəflər və tədbirlər haqqında, Azərbaycan Respublikası təhsil nazirinin 28 avqust 2017-ci il tarixli, 261 nömrəli əmri ilə təsdiq olunmuş "Təhsildə keyfiyyət ili” çərçivəsində nəzərdə tutulan tədbirlərin icrası ilə bağlı Təhsil Nazirliyinin Fəaliyyət planının 1.3.10. bəndinə əsasən məktəblərdə istedadlı şagirdlərlə aparılan işlərin vəziyyətinin araşdırılması, hər bir məktəbdə, eləcə də rayon (şəhər) üzrə istedadlı şagirdlərdən ibarət məlumat bankının yaradılmasının təmin edilməsi, müxtəlif sahələr əhatə olunmaqla istedadları ilə fərqlənən şagirdləri aşkara çıxarmaq üçün kiçik olimpiada, müsabiqə və yarışların təşkilinin nəzərdə tutulduğunu qeyd etmişdir.
Şagirdlər öz nəticələrini 07 oktyabr saat 18:00-dan etibarən bu səhifədən öyrənə bilərlər. Bu turda ən yüksək nəticə göstərmiş 24 şagird riyaziyyat və məntiq dərslərinə cəlb olunacaqdır. Hər qrupda 12 şagird olmaqla 2 qrup yaradılacaqdır. Hər qrupda həftədə 6 saat riyaziyyat və 2 saat məntiq tədris olunacaqdır. Şagirdlərin qruplara ayrılması zamanı onların səviyyəsləri əsas götürüləcəkdir. Dərslərin 15 dekabra qədər davam etdirilməsi nəzərdə tutulmuşdur. Dərslər 178 saylı tam orta məktəbdə keçiriliəcəkdir.
Seçilmiş fənn müəllimlərinin respublika fənn olimpiada komissiyalarının üzvləri ilə dəyirmi masaların keçirilməsi planlaşdırılır. Məqsəd müəllimlər arasında təcrübə mübadiləsinin aparılmasıdır. Dəyirmi masada Bakı şəhəri Nərimanov ərazisində yerləşən məktəblərin müəllimlərinin iştirakı da təmin olunacaqdır. Görüşdə fənn müəllimlərinə seçilmiş istedadlı uşaqlarla işləmək üçün müvafiq metodik göstərişlər veriləcəkdir.
Şagirdlərlə beynəlxalq fənn olimpiadasında medal qazanmış Azərbaycan məktəblilərinin görüşü təşkil olunacaqdır. Həmin qaliblərin olimpiadalara hazırlıq mərhələləri, olimpiadalrda iştirak təcrübəsi, qalibiyyət üçün lazım olan keyfiyyətlər müzakirə olunacaqdır.
Bu görüş şagirdlərdə olimpiadalrda iştirak üçün motivasiyanın yaranmasına, yenoitəcrübələrin toplanmasına səbəb olacaqdır. Beynəlxalq fənn olimpiadaların qalibləriylə görüşün keçirilməsi 178 saylı tam orta məktəbdə təşkil olunacaqdır.
Oktyabr-dekabr ayları ərzində həftədə ən azı bir dəfə olmaqla, dərslərin dinlənilməsi nəzərdə tutulur. Bu dərsdinləmələrdə fənn müəllimlərinin və respublika fənn olimpiadalrının münsiflər heyətinin iştirakı təmin olunacaqdır.
Layihənin sonunda şagirdlərin bilik və bacarıqları yenidən qiymətləndiriləcəkdir. Ən yüksək nəticəli şagirdlər hədiyyələr və diplomlarla mükafatlandırılacaqdır.
Nasim Abışov
