Xəbərlər
18 iyun 2017
6 323
"Bu il 10000-dən artıq vakansiya olacaq..müəllim olmaq istəyənlərə şad xəbər
Feysbukda "Təhsil Şikayətləri" profili yerdəyişmələrdə uğur qazanan müəllimləri təbrik edib və bu il olacaq vakansiyalarla bağlı məlumat paylaşıb. Aztehsil.com həmin paylaşımı oxucularına təqdim edir.
"Yerdəyişmələrdən uğurla keçmiş iştirakçıları təbrik edir və yeni iş yerlərində Azərbaycan müəllimi adına layiq fəaliyyət göstərmələrini arzu edirəm.
Yerdəyişmələrdə yer qazana bilməyən müəllimləri isə ruhdan düşməməyə çağırıram. Bu il rekord sayda (10.000+) vakansiya olacağını (o cümlədən, böyük şəhər və rayon mərkəzlərində bütün ixtisaslar üzrə minlərlə vakansiyalar) və daimi işləyən müəllimlərə MİQdə iştirak imkanının yaradılması məsələsinə Təhsil Nazirliyində müsbət məcrada baxıldığını nəzərə alaraq, sizə də növbəti cəhdlərinizdə uğurlar arzu edirəm.
Və ən əsası bütün tanıdığınız gəncləri müəllim olmağa səsləyirəm. Ölkəmizin uğurlu inkişafı üçün məktəblərimizə savadlı gənclər lazımdır.
Uğurlar".
