ADPU-da Əlavə təhsil almaq istəyənlərin nəzərinə !
Müəllimlik ixtisasları üzrə əlavə təhsilə qəbul aparılmasına icazə veriləcəyi halda ADPU tərəfindən elan veriləcək. Yenidənhazırlanma və təkrar ali təhsilə qəbul aparılacaq ixtisasların elanı bu iyul ayında ola bilər. Elanlar adpu.edu.az saytında və universitetin rəsmi sosial media hesablarında paylaşılacaq.
Qeyd edək ki, ali təhsil və orta ixtisas təhsili müəssisələrində əlavə təhsilə qəbul qaydaları təkmilləşdiriləcək. Bu barədə “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” üzrə Tədbirlər Planında qeyd olunub. Sənədə əsasən, ali və orta ixtisas təhsili müəssisələrində əlavə təhsilə qəbul prosesi ilə bağlı mövcud vəziyyət təhlil edilməli və qiymətləndirilməli, qəbul prosesində şəffaflığın təmin edilməsi məqsədilə müvafiq layihələr hazırlanmalı, proses elektronlaşdırılmalı, sonda qaydalar təkmilləşdirərək bu sahədə qəbul edilən normativ hüquqi aktların icrası təmin edilməlidir.
