Uşaqlar arasında xəstəliklərin yayılmasının səbəbləri açıqlanıb
“Məktəb və bağçaların açılması, ünsiyyət mühitinin genişlənməsi uşaqlar arasında xəstəliklərin artmasına səbəb olub. Çünki bu zaman üst və aşağı tənəffüs yolları infeksiyaları aktivləşir”.
“Report” xəbər verir ki, bunu Səhiyyə Nazirliyinin mütəxəssis-eksperti, pediatr Erkin Rəhimov deyib.
O qeyd edib ki, bəzən uşaqlar xəstə olduğu zaman ətrafındakıları da tez bir zamanda yoluxdururlar: “Əlamətlər əsasən qızdırma, öskürək, burun axıntısı, halsızlıq, iştahsızlıq kimi özünü büruzə verir. Valideynlər övladlarının mütəmadi şəkildə xəstələnməsindən çox narahat olurlar. Əslində uşaqlar fərqli viruslara yoluxur, sadəcə əlamətlər eynidir. Təbii ki, uşaqlar da koronavirusa yoluxa bilər. Amma onların mövsümi xəstəlikləri COVID-19 deyil”.
Nazirlik rəsmisi bildirib ki, pandemiya dövründə bəzi valideynlər övladlarına peyvənd vurdurmaqdan ehtiyat edirlər: “Hətta etdirilməsi mütləq olan peyvəndlər gecikdirilir. Bu səbəbdən və ünsiyyət artdığından xəstəliklərə yoluxma ehtimalı da artmış olur. Qızılca və digər təkrar artma təhlükəsi olan xəstəliklərə yenidən rast gələ bilərik. Odur ki, buradan valideynlərə səslənirəm ki, bütün peyvəndləri vaxtında vurdursunlar. Xüsusilə də qrip virusuna qarşı peyvənd vurulmalıdır. Bu peyvəndi 6-cı aydan sonra vurdurmaq mütləq şəkildə tövsiyə olunur”.
E.Rəhimovun sözlərinə görə, ilk 6 ayda körpələrdə tez-tez xəstələnmə müşahidə olunmur: “Çünki həmin müddətdə anadan körpəyə cift yolu ilə keçən qoruyuculuq olur. 6-cı aydan sonra qoruyucu funksiyalar azalır. Ana südü də körpələri qoruyur. 6 ay-2 yaş müddətində ünsiyyət artır və nisbətən tez-tez xəstələnmə olur. Bu müddətdə ayda iki dəfə xəstələnmə normaldır. Ən pik xəstələnmə göstəricisi bağça yaşlarında - 2-5 yaşda qeydə alınır. Lakin xəstələnmə tezliyinin səbəbini araşdırmaq lazımdır. 6 yaşdan yuxarı uşaqlarda isə xəstələnmə tezliyi aşağı düşür”.
Uşaqlar arasında yayılan yeni qrip: Öskürək, qusma, halsızlıq
Nazirlik: "Məktəblərin açılması uşaqlar arasında yoluxma hallarını artırıb"
Valideynlərin nəzərinə: Azərbaycanda uşaqlar arasında yeni virus yayılıb
Baş pediatrdan valideynlərə uşaqla bağlı XƏBƏRDARLIQ - Bunu etməyin!
Nazirlikdən uşaqlar arasında virus xəstəliyinin geniş yayılması ilə bağlı MÜNASİBƏT
Uşaqlar arasında yayılan virusların qarşısının alınması üçün valideynlər nə etməlidir?
Bu uşaqlar koronavirusu ağır keçirirlər - Səhiyyə Nazirliyindən XƏBƏRDARLIQ
Bu uşaqlar məktəbə buraxılmamalıdır
Azərbaycanda uşaqlar arasında yayılan infeksiya haqda AÇIQLAMA
Bakı məktəblərində uşaqlar arasında yayılan xəstəlik nədir?
Uşaqlara peyvəndlər mütləq vurulmalıdır - Mütəxəssis
Pediatr: “Bu hallarda uşaqların böyüklərlə ünsiyyətinə icazə verməyin” - AÇIQLAMA
Uşaqları virusdan necə qorumalı? Pediatr izah edir
Azərbaycanda koronavirusa yoluxan bəzi körpələr süni tənəffüs aparatına qoşulub
Əgər virusa yoluxma baş veribsə… Pediatrdan MƏSLƏHƏT
Bu, təlaş deyil, həqiqətdir... - MÜTƏXƏSSİS RƏYLƏRİ
Həkimdən xəbərdarlıq: “Delta ştammına uşaqlar daha tez yoluxur” - VİDEO
Bakıda uşaqlar “koksaki” virusuna tutulub? - VALİDEYNLƏR NARAHATDIR
Soyuq havalarda uşaqları xəstəliklərdən necə qoruyaq? – PEDİATR TÖVSİYƏSİ
Valideynlərin NƏZƏRİNƏ: Uşaqlar arasında mədə-bağırsaq xəstəliklərinin artımı gözlənilir
Bu yaşda uşaqlar koronavirusa daha çox yoluxur
İnfeksiya uşaqlar arasında sürətlə yayılır... - Pediatrdan həyəcan təbili
Pandemiya xəstəxanasının pediatrı: “Koronaviruslu uşaqlara antibiotik təyin edilmir” - MÜSAHİBƏ
Birinci sinifə gedən uşaqlar niyə ağlayır? -SƏBƏB