Xəbərlər / D.Qulluğu
03 avqust 2021
2 777
Vakant dövlət qulluğu vəzifələri üzrə müsahibədə 177 nəfər uğur qazanıb
Ümumilikdə 52 dövlət orqanında 250 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən ötən il dekabrın 10-da elan olunmuş müsabiqə üzrə müsahibə davam edir.
AZƏRTAC DİM-in avqustun 3-ü saat 11:35-ə olan göstəricilərinə əsasən xəbər verir ki, müsahibədə 177 nəfər uğur qazanıb. Onlardan 48-i Əmək və Əhalinin Sosial Müdafiəsi Nazirliyində, 21-i Ekologiya və Təbii Sərvətlər Nazirliyində, yerdə qalanlar isə digər dövlət orqanlarında müxtəlif vəzifələrə uyğun bilinib.
Qeyd edək ki, müsahibədə iştirak üçün 2031 nəfər sənəd verib. Müsahibə avqustun 4-də başa çatacaq.
