Xəbərlər / D.Qulluğu
10 sentyabr 2020
1 455
Dövlət qulluğu üzrə müsahibədə indiyədək 182 nəfər uğur qazanıb
Ümumilikdə 35 dövlət orqanında 623 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən yanvarın 13-də elan olunmuş müsabiqə üzrə müsahibə davam edir.
Müsahibədə indiyədək 182 nəfər uğur qazanıb. Onlardan 61-i Dövlət Statistika Komitəsində, 33-ü Kənd Təsərrüfatı Nazirliyində, 21-i Əmək və Əhalinin Sosial Müdafiəsi Nazirliyində, 13-ü Gənclər və İdman Nazirliyində, 11-i Ekologiya və Təbii Sərvətlər Nazirliyində, 10-u Energetika Nazirliyində, yerdə qalanlar isə məhkəmə orqanlarında müxtəlif vəzifələrə uyğun bilinib.
Xatırladaq ki, müsahibədə iştirak etmək üçün 2710 nəfər sənəd verib. Müsahibə oktyabrın 7-də başa çatacaq.
