Xəbərlər / D.Qulluğu
11 noyabr 2020
1 352
Vakant dövlət qulluğu vəzifələri üzrə müsahibə davam edir
Ümumilikdə 46 dövlət orqanında 379 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən avqustun 5-də elan olunmuş müsabiqə üzrə müsahibə davam edir.
AzTehsil.com DİM-in noyabrın 11-i saat 13:40-a olan göstəricilərinə əsasən xəbər verir ki, müsahibədə 144 nəfər uğur qazanıb. Onlardan 79-u Təhsil Nazirliyində, 17-si Maliyyə Nazirliyində, 10-u Bakı Şəhəri Yasamal Rayon Məhkəməsində, 7-si Dini Qurumlarla İş üzrə Dövlət Komitəsində, 7-si Milli Arxiv İdarəsində, 3-ü Əqli Mülkiyyət Agentliyində, yerdə qalanlar isə digər dövlət orqanlarında müxtəlif vəzifələrə uyğun bilinib.
Qeyd edək ki, müsahibədə iştirak üçün 5304 nəfər sənəd verib. Müsahibə 2021-ci il yanvarın 29-da başa çatacaq.
