Xəbərlər / Valideyn
02 iyul 2021
1 129
Fiziki cəza uşaqlarda dərketmə qabiliyyətini aşağı salır
Fiziki cəza uşaqların davranışında müsbət dəyişikliyə səbəb olmur, əksinə müəyyən qüsurlara gətirib çıxarır.
"Lancet” dərgisi bu barədə ABŞ-dan olan tədqiqatçıların araşdırmasına istinadən məlumat verib.
Alimlərin apardığı təhqiqatlar göstərib ki, uşaqların fiziki cəzalandırılması onlarda aqressiyanın artmasına, digər insanlara qarşı rəftarının pisləşməsinə, məktəbdəki davranışına pis təsir göstərir.
Bəzi tədqiqatlar göstərir ki, fiziki cəza uşaqlarda hiddət, itaətsiz davranış, intiqam, aktiv itaətsizlik və qaydalara riayətdən etməkdən imtina ilə xarakterizə olunur.
Araşdırmalar nəticəsində həmçinin məlum olub ki, fiziki cəzalara məruz qalan uşaqların digər həmyaşıdlıları ilə müqayisədə dərketmə və xarici informasiyaları mənimsəmək qabiliyyəti daha aşağı olur.
