Xəbərlər / Direktor / Manşet
16 iyun 2021
1 810
Direktorların işə qəbulu üzrə müsahibələrə start verilir
İyunun 21-dən etibarən direktor vəzifəsinə işə qəbul üzrə müsabiqənin müsahibə mərhələsinə start verilir.
Bu barədə Təhsil Nazirliyi məlumat yayıb.
Bildirilib ki, müsahibələrdə müvafiq keçid balı toplamış 1 552 namizəd iştirak hüququ qazanıb.
İlkin müsahibələrdə balı 36-dan çox olan və şagird sayı 1 000 nəfərdən çox olan ümumi təhsil müəssisələrində işləmək istəyən 135 namizəd iştirak edəcək.
Mövcud pandemiya şəraiti ilə əlaqədar olaraq direktor vəzifəsinə işə qəbul üzrə müsabiqənin müsahibə mərhələsi onlayn formatda "Microsoft Teams” platforması vasitəsilə S.C.Pişəvəri adına respublika humanitar fənlər gimnaziyasında təşkil ediləcək.
Qeyd edək ki, müsahibə keçiriləcək hər günün sonunda Təhsil Nazirliyinin saytında həmin gün müsahibədə iştirak etmiş namizədlərin nəticələri elan ediləcək. Namizədlər hansı kateqoriya üzrə vakansiyaya uyğun olub olmadıqları barədə məlumatla tanış olmaq imkanı əldə edəcəklər.
