Xəbərlər
23 noyabr 2020
2 953
Ev sahibindən şəhid ailəsinə BÖYÜK JEST - Hər kəsi kövrəldən addım
"Qardaşımın hərbçi yoldaşı döyüşlərdə şəhid olub. Deyir çox cəsur və qorxmaz oğlan idi. Yaralansa da, qospitala göndərə bilmədik. Getmədi".
Publika.az xəbər verir ki, bu sözləri tanınmış jurnalist Xəqani Səfəroğlu bildirib.
O əlavə edib ki, şəhidin 3 uşağı qalıb: "Onlar kirayədə yaşayırdı. Kirayədə qaldığı evin sahibi indi onun ailəsini heç yerə buraxmır. Yoldaşına deyib ki, bu qaldığın evi sənə verirəm. Uşaqlarını böyüt, sən mənim övladım, uşaqlar nəvələrim oldu".
Jurnalist sonda qeyd edib: "Ordumuz baş tacımızdır. Şəhidlər və onların yadigarları ən yaxşılara layiqdirlər. Onlara ömürlük borcluyuq".
