Xəbərlər
22 fevral 2017
4 476
Məktəb direktorunun ölümünə səbəb olan “Yoxlama” bitdi...
Aztehsil.com moderator.az-a istinadən xəbər verir ki, ATV telekanalında yayımlanan "Yoxlama" verilişinin yayımının dayandırılmasına aydınlıq gətirilib.
ATV telekanalının İctimai-siyasi məsələlər və ictimaiyyətlə əlaqələr şöbəsinin rəhbəri Turan İbrahimovun axşam.az-a verdiyi məlumata görə, verilişin yayımı dayandırılmayıb:
"Veriliş növbəti həftədən etibarən ATV-nin efirində olacaq. Hazırda verilişdə bir sıra dəyişikliklər aparılır. "Yoxlama" verilişi ictimai maraqları daha da yaxşı təmin etmək üçün təkmilləşdirilir. Gələcəkdə verilişin təkrarı belə yayımlanacaq".
Qeyd edək ki, ATV telekanalının qalmaqallı "Yoxlama" verilişi iaşə obyektlərində yoxlamalar aparır. Bu da bir sıra obyekt rəhbərliklərinin etirazları ilə qarşılanır.
