Xəbərlər
29 dekabr 2019
1 386
DİM sədri: “Mərkəzlə bağlı yaradılan müvəqqəti iş yerlərində çalışanlara 5 milyon manatdan artıq əmək haqqı ödənilib”
"Cari ildə ali təhsil müəssisələrinə qəbul imtahanları yeni model əsasında keçirilib və bu yanaşma bizə iştirakçıların bilik və bacarıqlarının qiymətləndirilməsində yeni imkanlar əldə etməyimizə şərait yaradıb”.
APA-nın xəbərinə görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə Mərkəzin fəaliyyəti ilə əlaqədar ilin yekunlarına dair tədbirdə deyib.
O bildirib ki, yeni modelə əsasən bu il 370 000-dən çox şagird ümumilikdə 7 milyona qədər yazı işi yerinə yetirib və bu işlərin qiymətləndirilməsi üçün 15 milyona yaxın yoxlama (qiymətləndirmə) aparılıb.
"Bu il DİM-in fəaliyyəti ilə əlaqədar 60 minə yaxın müvəqqəti iş yerləri yaradılıb və həmin işlərdə çalışan əməkdaşlara 5 milyon manatdan artıq əmək haqqı ödənilib”, - deyə M. Abbaszadə vurğulayıb.
