Təhsildə innovasiyalar üzrə V Qrant müsabiqəsinin dəstəyi ilə “Əmək bazarı və mən" adlı layihəsi çərçivəsində “Özünü kəşf et” adlı təlim keçirilib
14 noyabr 2021-ci il tarixdə Balakən Gənclər evində “Özünü kəşf et” adlı təlim keçirilib. Təlimdə layihə rəhbəri Altay Məmmədov, Balakən rayon Gənclər və İdman İdarəsinin, Gənclər evinin əməkdaşları və əvvəlcədən onlayn sorğular vasitəsilə seçilmiş 35 şagird iştirak etmişdir. Təlim zamanı şagirdlər özünükəşfin nə olduğunu və niyə vacib olduğu, özünütanıma üçün nələri bilməli olduqlarını, dəyərlərini, maraqlarını, istedad və bacarıqlarını sorğulamağı öyrənməklə yanaşı temperament tipləri ilə tanış olub öz temperament tipini müəyyən etdilər.
Qeyd edək ki, Balakən rayonunda həyata keçirilən layihənin məqsədi şagirdlərə əməkbazarını təhlil etmək, gələcəyin peşələrini araşdırmaq və ağıllı peşəseçimi etməyin yollarını düşündürməkdir.
Aztehsil.com/Balakən
