Mən fəxrlə qeyd edirəm ki, Bakı Dövlət Universitetinin tələbəsiyəm.

Bu il Azərbaycanın ən qədim təhsil ocaqlarından biri olan, dünyanın prespektivli universitetləri içərisində mühüm yer tutan Bakı Dövlət Universitetinin yaranma tarixindən 100 il ötür.

Bakı Dövlət Universiteti 1919-cu il sentyabr ayının 1-də Azərbaycan Xalq Cümhuriyyətinin parlamenti tərəfindən təsis edilmişdir. Azərbaycan xalqının dühası, ümummilli lider Heydər Əliyev BDU-nun yaradılması kimi mühüm tarixi hadisəyə olduqca obyektiv qiymət verərək demişdir ki: "Əsrin əvvəlindən bu günə kimi Azərbaycan elminə çıraq tutan, universitetimizin yaradılması xalqımızın tarixində ən əlamətdar hadisələrdən biridir."

Tarixi haqsızlıq ucbatından uzun müddət müstəqilliyini və dövlətçiliyini itirməyə məcbur olmuş Azərbaycan xalqı milli təhsil sistemini və mənəvi tərbiyə formalarını yaratmaq imkanlarından da məhrum edilmişdi.Keçən əsrin siyasi aurasında fəaliyyət göstərən, bütün tarixi hadisələrə şahidlik edən və bunun nəticəsində yenə də təhsil sistemini yüksək səviyyədə aşılayan, gənclərimizin xalqımıza, dövlətimizə, milli mənsubiyyətimizə yararlı bir kadr olaraq yetişməsində yardımçı olan, yüksək amallarla elm, bilik öyrədən Bakı Dövlət Universiteti bu ağır sınaqlardan keçdi.Universitetinin tarixən formalaşması və sürətli inkişafı danılmazdır. Bir Universitet olaraq bütün standartlara cavab verən, ölkə başçımız tərəfindən xüsusi diqqət və qayğı göstərilən şanlı universitet təhsildə və elmdə yüksək yaradıcılıq uğurlarını zənginləşdirmək, dünya təhsilinə və elminə inteqrasiyanı sürətləndirmək üçün gərgin səylərini davam etdirir. Bu gün 100 ilin şanlı tarixi səhifələrini vərəqləyəndə, qürur hissi keçirirəm. Və fəxrlə qeyd edirəm ki, mən Bakı Dövlət Universitetinin tələbəsiyəm. https://direktor.az/

Gülayə Mecid