Cavabsız suallar.. Bakı məktəblərində rotasiya - yığılan pulları kim qaytaracaq

Cavabsız suallar .....

Direktorların İşə Qəbulu müsabiqəsinin birinci mərhələsi başa çatıb. Təhsil Nazirliyinin verdiyi məlumata görə , 3 403 namizəd elektron qeydiyyatdan keçib. Onlardan 2 273 nəfərin elektron ərizəsi təsdiqlənib.Müsahibə başlanana 2 ay qalmış 700-ə yaxın vakant yer qısa müddətdə 472-yə endirildi.Bakı şəhəri üzrə 70-dən artıq mətəb vakansiyada olmasına baxmayaraq şəhərin ən kiçik və ən ucqar məktəbləri ( Zirə,Ələt, Qaradağ) vakansiyaya çıxarıldı. Eyni zamanda Bakı şəhəri üzrə cəmi 2-3 il bundan öncə təyin olunmuş direktorlar rotasiya olunurlar. Rotasiyanın gözlənilməz "sürətlə" aparılması Bakı məktəblərində işləyən müəllimlərdə həm çaşqınlıq ,həm də müəyyən suallar yaradıb ..

1.Cəmi 2 və ya 3 il işləyən ,hələ yenicə kollektivi və icmanı tanıyan direktorlar hansı göstəricilərinə və ya hansı kriteriyalarına görə rotasiya olunurlar ?

2. Rotasiya olunan direktorlara ( 1-2 nəyərini çıxmaq şərti ilə ) dərs bölgüsünə görə verilmiş pulları kim geri qaytaracaq və ya yeni gələn direktorlar müəllimlərin satın aldıqları dərs saatları özlərində saxlayacaqlar ?

3. Rotasiya olunan direktorlara dərs cədvəlinə görə verilmiş pullar və həmin ödənilən pullara görə müəllimlərin "sifarişləri "... Bu məsələni yeni gələn direktorlar necə həll edəcəklər ?

4. Deyək ki, satın alınmış dərs saatları yerində qaldı və "sifarişlər " necə olacaq ?

5. Artıq 8 aydır ki, Bakı məktəbləri üçün "davam" edən, hələdə bitməyən ( bu müddət ərzində məktəblərə çoxlu sayda müavin müsabiqədən kənar göndərilib və hələ də 150-yə yaxın müavin vəzifəsi vakantdır ) Direktor müavinlərinin İşə Qəbulu "festivalı" nə vaxt bitəcək ?

6. Bakı şəhəri üzrə Təhsil İdarəsinə tabe olan məktəblərə direktor təyinatında nə vaxt "endirim" kompaniyası olacaq ?

7. Bakı təhsilinə nə vaxta qədər KASSİR-MÜDİR Rəşad Tağıyev rəhbərlik edəcək və bununla Bakının təhsil işçiləri nə vaxta qədər təhqir olunacaq ?

Elşən Qafarov