Məleykə Abbaszadə vətəndaşları qəbul edəcək
Dövlət İmtahan Mərkəzinin Direktorlar Şurasının sədri Məleykə Abbaszadə Quba rayonunda vətəndaşları qəbul edəcək. Quba rayonunda keçiriləcək qəbulda Quba, Qusar, Xaçmaz, Şabran və digər rayonların sakinləri iştirak edə bilərlər.
DİM-dən AzEdu.az-a verilən məlumata görə, qəbul 5 oktyabr 2018-ci il tarixində, saat 11:00-da Quba rayon Heydər Əliyev Mərkəzində keçiriləcək.
Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.dim.gov.az/sedrinqebulu/) və ya DİM-in Xaçmaz Regional Bölməsinə (Ünvan: Xaçmaz şəhəri, M.Ə.Rəsulzadə küç. 7b) müraciət etmələri (əlaqə tel: (023) 325-01-21) xahiş olunur.
Bundan əlavə, qəbula yazılmaq istəyənlər üçün yuxarıda göstərilən rayonların Təhsil şöbələrində 01-04 oktyabr 2018-ci il tarixlərində saat 10:00-dan 17:00-dək qeydiyyat aparılacaq.
Qeyd edək ki, qəbula gələn vətəndaşların şəxsiyyət vəsiqəsini təqdim etmələri mütləqdir.
