Xəbərlər
27 aprel 2018
3 676
İqtisad Universitetində dərslər dayandırıldı
Azərbaycan Dövlət İqtisad Universitetinin İçərişəhər korpusunda dərslər dayandırılıb. Buna səbəb Bakıda bu gün başlayan "Formula-1” yarışlarıdır.
Universitetdən AzEdu.az saytına verilən məlumata görə, yarışlar V günə təsadüf etdiyindən universitetdə həmin gün dərs olmayacaq.
Dərslərin təxirə salınmasıyla bağlı tələbələrə dünəndən məlumat verilib. Universitetdən onu da bildiriblər ki, bu hadisə tədris prosesinə heç bir mənfi təsir göstərməyəcək.
Qeyd edək ki, bu gün Bakıda "Formula-1” üzrə Azərbaycan Qran-prisi start götürür. Həmin yarışların hərəkət sxeminə aid olan və Bakı şəhərinin mərkəzi ərazisində yerləşən T.İsmayılov adına 6 nömrəli məktəb-lisey, 132-134 nömrəli təhsil kompleksi və 23 nömrəli tam orta məktəbin ibtidai sinifləri üzrə 1-5 may tarixli yaz tətilinin 24-30 aprel 2018-ci il tarixinə keçirilməsi, 5-11-ci sinif şagirdlərinin buraxılmış dərs günlərinin növbəti həftələrdə şənbə günləri ilə əvəz olunması qərara alınıb
