Xəbərlər / Cəmiyyət
14 avqust 2017
3 144
Tələbə qəbulu aparılan ali təhsil müəssisələrinin beşində plan yerləri 100 faiz dolub
Birinci mərhələ üzrə tələbə qəbulu aparılan 42 ali təhsil müəssisəsinin beşində plan yerləri 100 faiz dolub.
Dövlət İmtahan Mərkəzindən (DİM) bildiriblər ki, 15 ali təhsil müəssisəsində plan yerləri 90 faizdən, 7 ali təhsil müəssisəsində 80 faizdən çox, 5 ali təhsil müəssisəsində isə 50 faizdən az dolub.
Qeyd edək ki, tələbə qəbulu aparılan ali təhsil müəssisələrinə 42 min 669 plan yeri ayrılıb. Birinci mərhələ üzrə aparılan müsabiqədə 42 min 804 abituriyent iştirak edib. Onlardan 36 min 428-i ali təhsil müəssisələrinə qəbul olunub. Həmin abituriyentlərdən 11 min 775-i dövlət sifarişi əsasında, 24 min 653-ü isə ödənişli əsaslarla təhsil almaq hüququ əldə edib.
