Xəbərlər / Cəmiyyət
04 avqust 2017
3 185
Abituriyentlərin nəzərinə!
İxtisas seçiminin təsdiqinin başa çatmasına 7 gün qaldı
İxtisas seçimi edərkən gələcəyinizi düşünün. O ixtisasın sizə gələcək vəd etdiyini düşünün. "Əşşi fərqi yoxdur hara olur olsun, təki düşüm" prinsipi sizin əleyhinizədir.
İxtisas seçimi edərkən diqqətlə yanaşın. Çünki bu proses ən çətin, ən gərgin və ən məsuliyyətli prosesdir.
Qeyd: 12-si və ya 13-ü günün ikinci yarısı hara düşdüyünüz bəlli olacaq. Bundan sonra isə siz 15 avqustdan 25 avqustadək qəbul olduğunuz ali məktəbə yaxınlaşmalı və sənədlərini təqdim edərək, təsdiq etdirməlisiniz.
Sənəd təsdiqinə getmək üçün sizdən tələb olunanlar aşağıdakılardır:
- Şəxsiyyət vəsiqənizin əsli və surəti
- 3*4 ölçüdə 6 ədəd fotoşəkil
- Sağlamlıq haqqında arayış
- Şəxsi kabinetinizin istifadəçi adı (FİN kod) və parol
- Attestat
- Ödənişli əsaslarla olan ixtisaslara qəbul olanlar isə sənəd təsdiqi zamanı universitet tərəfindən göndərilən banka ödəmə edib onun qəbzini təqdim etməlidirlər
- Məcburi köçkün statusu olanlar, Qarabağ müharibəsi əlilləri, şəhid ailələri, valideynlərini itirmiş və ya himayədən məhrum olanlar isə qeyd olunanlarla bağlı müvafiq rəsmi sənədin notarial qaydada təsdiq olunmuş versiyasını təqdim etməlidirlər.
Elçin Əfəndi
