Bu gün 25 minə yaxın şagird buraxılış imtahanı verir
Dövlət İmtahan Mərkəzi (DİM) martın 6-da tam (11 illik) orta təhsil səviyyəsi üzrə buraxılış imtahanları keçirir.
DİM-dən bildirilib ki, bugünkü imtahanlarda 24 min 824 nəfərin iştirakı gözlənilir. İmtahan Bakı şəhərinin Nizami, Suraxanı, Binəqədi rayonlarında, həmçinin Sumqayıt, Gəncə (Nizami), Ağstafa, Oğuz, Zaqatala, Beyləqan, Füzuli, Kürdəmir, Ucar, Cəlilabad, Saatlı, Neftçala, Şabran, Siyəzən, Xızı rayonlarında keçirilir. Bu gün, həmçinin tədrisi ingilis və fransız dilində olan məktəblərin şagirdləri imtahan verirlər.
İmtahanlar saat 11:00-da başlanır. Saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.
Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.
İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.
Şagirdlər imtahana aşağıda qeyd olunan sənədləri gətirməlidirlər:
- İmtahana buraxılış vərəqəsi;
- Sağlamlıq haqqında bəyannamə (buraxılış vərəqəsi ilə birlikdə çap edilir və imzalanır. Buraxılış vərəqəsi şagirdin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);
- Şəxsiyyəti təsdiq edən sənədin əsli:
a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;
b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;
- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).
Şagirdlər “İmtahana buraxılış vərəqəsi”ni internet vasitəsilə DİM-in saytından fevralın 24-dən etibarən çap edib götürə bilirlər.
Mərkəz tərəfindən pandemiya şəraitinin tələblərinə uyğun olaraq imtahan binalarında bir sıra profilaktik tədbirlər - hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi, imtahan heyətinin müvafiq qoruyucu vasitələrlə (əlcək, tibbi maska) təmin olunması həyata keçirilib. İmtahanın idarə olunması prosesinə ümumi imtahan rəhbəri, imtahan rəhbəri, nəzarətçi-müəllim, mühafizə əməkdaşı və s. qismində yalnız COVID-19 peyvənd sertifikatı (və ya immunitet sertifikatı) olan şəxslər cəlb olunur.
Ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.
İmtahan iştirakçıları binaya daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədin üz tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını aşağı salaraq üzünü göstərməlidir.
Bu gün növbəti buraxılış imtahanları keçiriləcək
Bu gün 21 mindən çox IX sinif şagirdi buraxılış imtahanı verəcək
Sabahdan tam orta təhsil səviyyəsi üzrə buraxılış imtahanlarına başlanılır
Bu gün buraxılış imtahanları keçiriləcək
Sabah növbəti buraxılış (qəbul) imtahanları keçiriləcək
Sabah 24 minədək doqquzuncu sinif şagirdi buraxılış imtahanı verəcək
Sabah 9 minə yaxın şagird buraxılış imtahanı verəcək
Sabah 16 mindən çox şagird buraxılış imtahanı verəcək
Növbəti buraxılış imtahanları keçirilir
Bu gün 22 mindən çox doqquzuncu sinif şagirdi buraxılış imtahanı verəcək
Bu gün III ixtisas qrupu üzrə qəbul imtahanı keçiriləcək
DİM buraxılış imtahanı keçirir
Martın 5-6-da buraxılış imtahanı keçiriləcək
Bu gün I və IV ixtisas qrupları üzrə qəbul imtahanları keçiriləcək
Növbəti buraxılış imtahanı keçirilir
Bu gün 18 min şagird imtahan verir
Bu gün 17021 abituriyent üçün buraxılış imtahanı KEÇİRİLİR
Bu gün növbəti qəbul imtahanı keçiriləcək
Avqustun 11-də növbəti imtahanlar keçiriləcək
Jurnalist olmaq istəyənlərin NƏZƏRİNƏ: Qabiliyyət imtahanı keçirilir
13 minədək şagird buraxılış imtahanı verəcək
Bu gün 10 mindən çox şagird buraxılış imtahanı verir
DİM iyulun 27-28-də qəbul imtahanı verəcək abituriyentlərə müraciət edib
Buraxılış imtahanlarında iştirak edə bilməyənlər üçün NÖVBƏTİ ŞANS