Xəbərlər
04 avqust 2021
1 335
Həkim və hərbçi olmaq istəyənlərin NƏZƏRİNƏ: Bu gün imtahan keçiriləcək
Bu gün əsas tibb təhsili əsasında rezidenturaya qəbul imtahanının 1-ci mərhələsi (ikinci cəhd) və hərbi liseylərə qəbul imtahanı keçirilir.
Bu barədə Dövlət İmtahan Mərkəzi məlumat yayıb.
Bildirilib ki, imtahanlar Bakı və Naxçıvan şəhərlərində keçiriləcək. Hər iki imtahan saat 10:00-da başlanır. İmtahanın başlanmasına 15 dəqiqə qalmış saat 09:45-də buraxılış rejimi başa çatır.
İştirakçılar Dövlət İmtahan Mərkəzinin internet saytına daxil olaraq "İmtahana buraxılış vərəqəsi”ni çap etməlidirlər.
Rezidenturaya qəbul imtahanının birinci mərhələsinin ikinci cəhdində iştirak etmək üçün 966 namizəd qeydiyyatdan keçib. Hərbi liseylərə qəbul imtahanında isə 1 911 abituriyentin iştirakı nəzərdə tutulur.
İmtahanların təşkil edilməsi üçün ümumilikdə 13 imtahan binası, 208 imtahan zalı ayrılıb. İmtahanların idarə olunmasına 13 ümumi imtahan rəhbəri, 37 imtahan rəhbəri, 269 nəzarətçi-müəllim, 26 buraxılış rejimi əməkdaşı cəlb olunub.
