Xəbərlər / Müəllim
30 iyul 2021
2 742
Qoşqar Məhərrəmov: “Yaxşı müəllimləri seçmək üçün sualları süni şəkildə çətinləşdirməyə ehtiyac yoxdur”
"İmtahan nəticəsi müəllim olmaq üçün sadəcə bir addımdır”.
Bunu təhsilin idarə olunması üzrə mütəxəssis Qoşqar Məhərrəmov sosial şəbəkədəki hesabında bildirib:
O, bu addımda müəyyən bir balı keçən namizədlərin başqa bilik, bacarıq və keyfiyyətləri müsahibə ilə yoxlanıla bilməsinin mümkünlüyündən danışıb:
"Ardından sınaq dərsi videosuna baxılıb qiymətləndirilə bilər. Bu da bir müəllim olmaq üçün üçüncü addım ola bilər. Baxdıq ki, çox sayda istədiyimiz keyfiyyətlərə malik namizəd var. O sayda vakant yerimiz yoxdursa onda yaxşı bir təcrübə olmasa belə Türkiyədəki kimi püşk atma üsulu ilə müəllimlərin təyinatı aparıla bilər. Sözümün canı budur ki, ələyin gözünü daraldaraq öz yetişdirdiyimiz kadrları itirə bilərik, küsdürə bilərik”, -deyə Q.Məhərrəmov bildirib.
Fəqan Əzimli
